Done Jakue Kostatik eta Primitibotik: 7 etapa. SAN VICENTE BARQUERA - RIBADESELLA

79 km. Desnibel +: 1.331m Desnibel - : 1.336 m.
Altura max 143m. 6:00 ordu bizikletan
Etapa honetan Kantabriatik irten eta Asturiasen sartzen gara. San Vicentetik irteteko lehengo ibilbide zaharra, gutxi erabiltzen den N-634tik irten naiz, 5-6 km aurreztuz.
Pesuesen errepidetik irten eta bide polit batetik Unqueran amaitu dut. Gomendagarria bertako “korbatak” probatzea. Zubia pasa eta segidan dagoen AS-344 errepide lasaitik Colombres herriraino. Indianoek egindako etxe dotore mordoxka dago bertan.
La Franca-tik barrena N-634 errepidetik Buelna-raino eta bertan eguneko zatirik politenetakoa “senda costera E-9” hartu dut eta aldapa handirik gabe itsas ondotik Andrin-eraino. Tartean “Bufones de Arenillas” ikusi daitezke, batez ere itsaso txarra dagoenean. Olatuen eraginez, haize eta ur ufadak botatzen dituzten zuloak dira.
Andrinetik Borizako miradorera igo naiz bistak disfrutatzera eta ondoren golfan ingurutik Llanesera jaitsi. Zati hau gorabeheratsua da eta aldapa gogorren bat ere badu, beste aukera errepidetik jaistea da.
Llanes herria bistatzea merezi du eraikin historikoengatik.
Llanesen bazkaldu eta berriz kostaldeko ibilbidea hartu dut, Bricia inguruan momentu batez errepidez edo Done Jakue bidea jarraitzen, baina La Posada eta gero berriz kostalderuntz hartu dut. Bedoneko San Antolin hondartzatik, berriz Done Jakue bidea jarraitzen Picones ingururaino eta han berriz hondartza aldera, Playa de las Cuevas del Mar. Hortik aurrera dena E-9 sendatik Ribadesellaraino.
Lotarako Ribadesellan bi izarreko hotel zahar bat “Marina “aurkitu dut erreka ondoan 45 €gatik.
Eguneko onena E9) senda costeran ibiltzea.