Ikaztegieta-Arkaka-Errekonta-Ikaztegieta

Ibilbide zirkularra: Ikaztegieta-Zaldibia-Arkakako putzua-Olakosaroi-Ausokoegiko txabolak-Errekonta mendi lepoa-Zaldibia/Larraitz errepidea-Gaintza-Otatza baserria-Ibiur-Ikaztegieta.

Ikaztegietatik Itsasondora bide gorritik. Itsasondotik Zaldibira errepidez . Unanubide baserritik Arkakako putzura Lareora doan Pr GI 2003 bidetik (Aiestaran errekaren ondotik eta oso erakargarria). Arkakako putzutik Olakosaroiraino Larraitzera doan Pr GI 2004 bidetik (polita, zeta luze batzuk eginez). Olakosaroitik (Zaldibiko aisialekua eta Aralarko sarbidea da) Ausokoegiko txaboletara desnibel handiko bukaera daukan mendi pista zabal batetik. Ausokoegitik Pr GI 2004 bidea hartzen da berriro, Ausagazteluaren atzetik, Errekonta mendi lepora aurrena eta handik Larraitzera jeisten doana. Pendize handiko malda behera dago tarteka arkaitza agirian eta harri haundiak daudelarik. Bakoitzak duen trebetasun arabera jetsi behar da kilometro eskaseko zati bat eta zenbait uneetan ankak lurrean jarri beharko dira. Ezetasuna baldin badago lokatz dezente ere aurki daiteke. Larraitzera iritsi aurretik ezkerretik alanbre hesiaren pasabidea gainditu eta jetsiera Zaldibia-Larraitz-Gaintza errepidera (hemen ere hasieran lokatza izaten da). Errepidez Gaintzaraino jarraitu. Ibiur urtegira jeisteko hasieran Gaintzako SL-Gi 15 (Irazusta bidea). Aurrerago bide hau uzten da eskubitik, marra zuri-horiak jarraitu behar dira. Mendi bidea dago eta hondatutako Otatza baserriaren ondotik pasa ondoren urtegiari bira ematen dion pistara iristen da. Urtegiari bira erdia eskubitik zuzenduta eman ondoren presatik gora Orendaingo bidea hartu behar da. Kilometro erdia edo gorago ezkerretik Larrunbe baserrira joateko pinudien artean doan bidezidorretik behera . Larrunbe baserritik Ikaztegieta-Legorreta errepidera porlanezko bidea dago.

Ikaztegietatik Unanubide baserriraino asfaltoa da (12 km.) . Zaldibia-Larraitz errepidetik Gaintzara ere beste 3 km. daude. Besteak askotariko bideak dira eta lehen aipatutako bi zatietan ez ezik nahiko erosoak dira orokorrean. .

Labur bilduta Goierritik Tolosaldera pasatzen da Aralar Parke Naturalari bisita motza eginez. Txoko eta panoramika bikainak ikuskatzeko aukera paregabea izango dira bidean zehar.