JAIZKIBEL MTB - SANTIAGOTXOTIK IGOTA

Ibilbide polita denbora gutxi dagoenean egiteko. Amutetik santiogotxora igoko gara, bertan iturri bat dago eta ezkerreko bidea hartuko dugu. Bide horretatik jarraituko dugu (Goiko errota aterpetxera eramaten duen bidea da), goiko errotara iritsi baino lehenago bideak ezkerretara egiten du baserri baten ondoan. Ez dugu ezkerretara hartuko eta bertatik ikusten den pista hartuko dugu Guadalupera iristeko. Guadalupen, goiko kortafuegosa hartuko dugu Lezo-Pasaiara eramaten duena. 3-4 kilometro egin eta gero, bidegurutze batera iritsiko gara, eskubira hartuko dugu, goraka. 200m pasata beste bidegurutze bataurkituko dugu eta eskubiko bidea hartuko dugu, berriz guadalupera itzultzen dena (goraka). Igoeraren goiko puntuan, jaizkibeleko paradorera igotzen den bide zidor bat hartuko dugu (oinez egin beharrekoa). Behin paradorera iritsita, beruntz hartuko dugu jaizkibelgo krestatik doan bidetik. Lehenengo dorrera iristean animalientzako atea pasa beharko dugu. Beheruntz jarraitu eta beste dorrea pasata, "rompeculos" delako aldapara iritsikogara. Bertan beste ate bat pasa beharko dugu eta "rompeculos"etik jaitsi beharrean, ezkerretara ateratzen den bide zidorra hartuko dugu guadalupera jeisteko. Guadalupetik Artzu aldera joko dugu eta guadalupeko gotorleku ondotik ezkerreruntz, beheraka dijoan pista hartuko dugu, Artzuko errotara dijoana. Jeisten hasi eta segituan, eskubiruntz doan bide zidor bat hartuko dugu. Hau, errekatxo baten ondotik Artzuko errotaraino doa. Bide zidorra bukatzerakoan, Artzuko portu deituriko harrizko hondartzan aurkituko gara. Leku ederra benetan. Paisaiaz gozatu eta gero, higer lurmutur alderaka dijoan pista hartuko dugu eta lehenengo bidegurutzera iristean, norabidez aldatu eta guadalupera igoko gara berriz 2km inguruko igoera bat eginez. Ibilaldia bukatzeko, guadalupera iritsi eta santiagotxorantz jeitsiko gara ibilaldia bukatzeko.