Pena do Inferno - Río de Porcos

Ruta moi sinxela, que transcurre polas marxes do río Lamas inicialmente e logo polo río Navia.

Gran parte da rua pasa pola "carretera da república".
A continuación poño un párrafo explicado por: Por Xosé Luís Martínez Acevedo e Manuel Miranda, presidente de Mariña Patrimonio.

As estradas teñen a súa propia historia. Unha historia que depende da data da súa construción e do século no que foi proposta. E a historia da “Carretera de República” non ten datas, nin propostas, só esquecemento.

A historia desta estrada situada no concello da Fonsagrada na provincia de Lugo, comeza no século XIX co Plan de Estradas do Estado do ano 1864 no cal esta estrada a establecía como estrada de terceira orde de Lugo ao confín da provincia por Castroverde, A Fonsagrada e Ouviñano. Nos vindeiros anos proseguiuse na construción até a II República que a súa nova denominación sería “estrada local de A Fonsagrada a Oviñano”, co obxectivo de unir Galicia con Asturias.

Xa comezando o século XX o Plan de Estradas do Estado de 1914 incluiríase a construción da travesía da Fonsagrada e no ano 1934 a poxa da construción do treito A Fonsagrada a Oviñano que tería que ser construído en dezaoito meses e cun presuposto de 299.750 pesetas de entón segundo a Gaceta de Madrid, actual BOE.

No treito inacabado desta estrada coñecido como “carretera da Republica”, que transcorre próximo os ríos Lamas e Navia, deixou de ser construído co comezo da Guerra Civil e abandonado despois co proxecto da construción do embalse no río Navia que tiña previsto anegar unha boa parte do seu trazado. Desde entón, a estrada está esquencida no medio dunha das máis fermosas paraxes de Galicia.
Ruta pola ribeira de A Fonsagrada, seguindo a estrada inacabada da república, para contemplarmos, entre outras moitas cousas, a importante pegada que deixou a extracción e o aproveitamento do ferro na zona.

Comezaremos a ruta no Vilar da Cuíña e baixaremos ata as maxestuosas ruínas da Ferrería del Buen Retiro. Despois de visitar este complexo siderúrxico, continuaremos a carón do río Lamas e do río Navia percorrendo a Carretera da República ata chegarmos á Fábrica da Fornaza; alí visitaremos a antiga fundición, onde en tempos se obtivo chumbo, prata e posteriormente ferro. Acercarémonos tamén ata a Casa da Dirección, edificio destinado a albergar os enxeñeiros que traballaron no proxecto do encoro do Gran Suarna. Dende este punto iniciaremos a subida ata a aldea de A Fornaza, lugar no que poderemos contemplar unha impresionante paisaxe dende a súa coñecida capela.