ZAS - BRANDOMIL - ZAS

Iniciamos a ruta no Centro Sociocultural de Zas en dirección sur, pasando pola Carballeira de Velar, onde se celebra o festival folk da Festa da Carballeira o primeiro sábado de agosto, seguimos camiño arriba rodeando o monte do Castro e pasamos por San Adrián e Romelle (Pazo de Romelle, de propiedade privada), logo dun tramo de asfalto pasamos por un camiño entre castiñeiros que nos leva as portas do Pazo das Edreiras, tamén de propiedade privada, pero que podemos admirar en todo o seu conxunto. Continuamos por unha pista de monte que nos leva a vilar de Lamas e Meanos, e de ahí a Santa Sía de Roma. Por unha pista forestal chegamos ao Dolmen da Arca da Piosa situado no medio dunha plantación de eucaliptos e donde Euardo Pondal situou a tumba do guerreiro Brandomil. Saímos da plantación cara o lugar de o Couto, e de ahí por carreteras secundarias pasamos por A Lagoa, Pudenza e Brandomil, sede dun importante asentamento romano e onde podemos descansar na Área recreativa e visitar a Ponte Medieval sobre o río Xallas, ou a parte final do Encoro da Fervenza. Xa de volta cara a capital do Concello, pasamos polos lugares de Limideiro, A Lagoa, podemos visitar a capela de Santa Margarida de Muíño e beber auga na súa fonte milagreira; Seguimos por Langueirón e San Martiño e entre tramos de asfalto e pistas forestais chegamos de novo a San Adrián, baixamos o Monte do Castro por unha pista perigosa polo empinada que é (debemos ter os freos en condicións)e rematmos a ruta de novo no Centro sociocultural de Zas.