Zizurkil-Andatza(Aia)

Ibilbide zirkularra: Zizurkil*Villabonako Geltokia-Zizurkil Herria-Zarateko Benta-Andatza (Aia)-Iruretaegia auzoa (Aia)-Iturriotz-Pertxetobietako gaina-Andazarrate-Bulano baserria-Saskarate baserria-Floreaga baserria (Upazan auzoa)-Elizmendi-Asteasu-Zizurkil*Villabonako Geltokia.

Ibilbide hau Zizurkil, Aia eta Asteasuko herrien eremuetan igarotzen da, Andatzako mendigunea gaindituz. Mota askotako bideetatik pasatzen da errepide pixka bat eta baserri eta auzoen arteko landabideak barne. Nahiz eta luzera gutxikoa izan desnibela dexente pilatzen da eta zenbat pasabideetan gorako eta beherako aldapa gogorrak daude. Zizurkil beheko auzoetatik Gurutzeaga etxerainoko tartearen kasu (ibilbidearen hasieran eta ankak berotzeko denborarik ez); Andatza auzoan, Aia-Orio errepidean hasi eta Iturriotzeraino igoera luzea dago piko handiko tarte batzuekin. Jetsiera trialerak ere badaude eta ez dira makalak. Aipatzeko modukoak eta kontu handiz jetsi beharrekoak Zarateko Bentatik beherako bidea non harri suelto eta ur kanaleen guneak daude; Pertxetobietako gainatik jeitsiera bihurria da bereziki zaila desnibel handikoa eta tamaina guztietako harri sueltoekin. Aurrerago ere Saskarate baserritik Floreaga baserriko jetsieran 500 metroko bide landaretsua dago tarte batean edo bestean arkaitzak agerian daudelarik.

Ibilbide hontan mendi txirrinduaz pratikatzeaz gain Gipuzkoa barneko eta Kostaldeko panoramika zoragarri eta zabalak ikus daitezke (Adarra, Aralar, Hernio, Pagoeta, Aia, Getaria, Orio, Igeldo bresteak beste) . Auzoz auzo landa eta mendi giroan murgiltzeko aukera ederra.

Prestakuntza fisiko egokia edukitzea lagungarria izango da txirrinduarekin oinez ahalik eta gutxien ibiltzeko.