Arastortze, Intzartzu eta Aizkoate Lazkaotik

Ibilbide zirkularra: Lazkao-Lasarte lepoa-Troskaetako kobazuloa-Arastortze-Intzartzu-Aizkoate-Aiztondo baserria-Ataun/San Martin-Lazkao.

Aralegiko zirkua (Ataungo Domoa) Aralarko ekialdean kokatzen da. Geolojia interesgarria dauka. Zirkuaren bueltan dauden tontorrak garaiera apalekoak dira. Horietako batzuek harkaitz horma oso pikoak erakusten dituzte, Aralarko malkartsuenetakoak. Bertikalidade horrek ematen dio batez ere mendizale asko etimatzen duten ikusgarritasuna.

Ibilbide hontan iparratik zirkua ixten duen gandorratik egiten da zeharkaldia.
Gandorraren ipar isurialdetik zeharkaldia eginez ekialdeko muturrean dagoen Arastortze igo aurrena. Tarte hontan baso aldapatsuak daude. Puntu batean bidetik atera eta Troskaetako kobazuloa bisita egiten da ere bai.

Arastortze gailur belartsua eta zabala da, harkaitz gutxikoa eta gandorrako gailur garaiena denez ikusleku panoramikoa ere bada. Ondoren Ekialderuntz jotzen du trackak gandorra jarraituz, Intzartzuko punta zapaldu arte. Tarte hau nahiko zakarra da. denbora osoan erne ibili behar da eta zenbait puntuetan eskuekin lagunduta ere bai. Amildegietatik oso gertu eta pitzatutako harkaitzak zapaltzen. Intzartzutik gandorrari jarraipena ematea badago bainan paso arriskutsu bat dauka. Nahiko airetikoa eta amildegien gainetik. Track hontan Intzartzutik jetsi eta basotik egiten da Aizkoatera joateko zeharkaldia. Tramo honek ere deseroso puntua dauka. Aizkoate pasa degun gandorraren ikusleku bikaina da. Behin Aizkoatetik pasa Ekialdeko isuri maldatsutik bideratzen dira pausoak, pagaditik beherantz asten da Ataun/San Martinera doan jetsiera. Beherago artadi batetik pasatzen da eta basoaren bukaeran ipar haritzak daude. mendi bide batekin bat egin arte. Naiz eta baso garbiak izan malda haundiko jetsiera dago eta batzutan orbela belarra edo arri sueltoa dela irristakorra ere. Aparteko lekua da eta giro nahiko basatia usaintzen da hemen.

Ipar haritzen basotik behera bidea dago. Hasieran batean bidea ez da oso erosoa. Azken boladako haizeteak heraginda zuhaitz dexente erori ziren basoan eta bidearen gainean. Aurrerago bide zabalago eta garbiago batera iristen da eta hori jarraituz Aiztondoa baserriraino. Aiztondotik San Martinera jetsi eta Agauntza errekaren ondotik doan bide politatik Lazkaora itzultzera besterik ez da geratuko. Tarte hontan ere izandako haizeteen triskantza oso nabarmena da, zuhaitz asko errekaren gainean ikusten direlako.

Oso paraje interesgarria da eta Aralarko Parke Naturalaren barrutian dago. Geolojiaren zalea izan ezkereo primerako lekua aurkituko duzu. Hegaztizaleok berriz espezie "rupikolak" ikuskatzeko aproposako tokiak aurkitzen ditugu hemen, sai arreak (putreak) besteak beste. Otsailaren erdialde hontan kabia egiteko adarrak eta abar ari ziren garraiatzen gure buruen gainetik. Ikustekoa benetan!!!

Oharra: gandorrako zeharkaldi integrala egitea ez da bereziki zaila bainan nere ustez paraje horietan ibiltzeko ohitura eta bertigo eza derrigorrezkoak dira.