Ourense X Andaina de San Cibrao

18-9-2016

Andaina popular organizada polo concello de San Cibrao das Viñas, moi próximo a Ourense.
Comeza no espazo natural da Boutureira e discorre polas pedanías de Vilanova, Outeiro Calvo, San Cibrao das Viñas, Currás e a Torre.
Ben indicado o acceso ao punto de partida na web.
Percorrido circular de 17, 9 qms. perfectamente sinalizado. Ademais das marcas internacionais de sendeirismo, había frechas verdes nos camiños e cintas de plástico.
En todos as cruces ou accesos a estradas, había membros de protección Civil e Policía Municipal colaborando.
Houbo dous avituallamientos de líquidos e froitas nos puntos preestablecidos.
O percorrido discorre fundamentalmente por camiños e veredas de terra ben coidadas. A paisaxe é esplendida.
Non chega en todo o percorrido a 2 qms. de asfalto, o tramo máis largo está sinalado na ruta entre os wpt. asfalto 1 e 2.
Comentáronme, pero non o comprobei, que non había escoba, é dicir organizadores camiñando tras o último participante.
Ao finalizar na Boutureia esperábannos, bocadillo, bebidas, agasallo, e para quen o reservara polbo do Carballiño, nada menos. Despois sorteo de agasallos.
Realicei esta andaina con técnica de marcha nórdica Alfa 247, fágoo desde hai tempo e para o meu é ideal. Desde logo sorprende aos marchadores, pero aos poucos irase abrindo paso. Non podemos esquecer que globalmente se ve a pouca xente cun bastón, menos con dous ben utilizados, e marcha nórdica nin che conto. Hoxe era o único.
En resumo unha andaina estupenda, moi ben organizada e asistida, por lugares moi bonitos da nosa Galicia interior, e con boa intendencia.
Para volver.