Ganzabala-Usegane-Kalbario-Gorrinogoiti-Montolan-Pertxamendi-Burgogana

Kanpantxutik Ajangizko doan bidean Arganeko auzoan eskuinera hartu eta etxeak amaitzen direnean eskuinera lurrezko bide bat hartu. Bertan Ganzabalako tontorra dago. Hegora jarraitu eta gorantza. Usegane da hurrengoa baina tontorra sasiz eta otaz beterik dagoenez hobe aurrera jarraitu. Jarraitu hegorantz eta Arganeko baserrira heldu baino arinago eskuinera eta asfaltora irtetzen da. Handik 100 metrora eskuinean dagoen lurrezko bidea jarraitu eta Kalbariora heltzen gara eta bertatik Gernika inguruko ikuspegi ederra dago. Mendatako Eleizalden sartu eta frontoitik pasatuz eskuinera lehengo Bar Eskoleneren ondotik PR bidetik jaitsi asfaltora. Gorriñogoiti ikusten da aintzinako argi etxola, gaur egun oilotokia, tontorroan daukala. Beherantz, berriz asfaltora eta bidea gurutzatuz Zarran, iparraldera Donejakue bidetik. Etxeak pasatu eta pista hasten denean Montolanera dagoen bidexka hasten da. Berriz behera Donejakue bidea hartzeko eta Artzubira irtetzen da. Arratzuko Eleizalden bide bi hartu al dira. Bata, PRa errekondotik
eta bestea asfaltotik eta biak aintzinako errota ondoan bat egiten dira. Erreka igaro ondoren Marmizerako bidea hartu eta bertara heltzerakoan eskuinera eta gora DoneJakue bideari jarraituz. Etxeak utzi ondoren eta pistan gorantza eginez hartuko dugu hegoalderantz, hasieran, eramango gaituen bidea. Gero, beti gorantz eta iparraldera Pertxamendi tontorrera heltzen da bidea bertan harri multzo bat aurkituz. Zuhaitzak oriandik txikiak direnez ikuspegi polita dago ekialde eta mendebalde aldeetara. Bidea jarraituz eta Ajangizko Mendieta ezkerratara utziz asfaltora irtetzen da, baserri baten ondoan. Gorantz jarraituz eskuineko lurrezko bide bat hartu eta hori jarraituz Burgoganako tontorrera heltzen gara non eraikin bat aurkitzen da. Handik beherantz ur araztegira irtetzen da.