Boiro - Muiños do Breiro
near Boiro, Galicia (España)
Viewed 2295 times, downloaded 33 times
Trail photos
Itinerary description
O recorrido non ofrece dificultade, e é apto para todo tipo de persoas, agás aquelas con problemas de mobilidade.
Waypoints
Intersección - Punto de saída
A saída é desde calquera punto da Avda. Constitución, en dirección á vella estrada Boiro-Abanqueiro. Neste caso comezouse, na confluencia da Rúa Severo Ochoa, coa Avda. Constitución.
Intersección - Lugar de Aducil
Ó chegar á intersección da Avda. Constitución coa vella estrada Boiro-Abanqueiro, hai que virar á esquerda e atravesar o bonito lugar de Aducil.
Intersección - Cruce en dirección ó lugar de O Rexidor
Ó remate do fermoso lugar de Aducil, hai que virar á dereita en dirección ó lugar de O Rexidor.
Intersección - Lugar de O Rexidor
Pasado Aducil hai que virar á dereita en dirección ó lugar de O Rexidor.
Intersección - Lugar de O Rexidor - Cruce
Intersección - Lugar de O Rexdor – Cruce Ó chegar á entrada da aldea, debemos virar á esquerda, se imos de fronte ou á dereita iremos ós lugares de A Boliña e San.
Intersección - Ribeira do Río Breiro
Sáese do lugar de O Rexidor. Remata o asfalto, e iniciase un camiño que vai ascendendo pola marxe esquerda do regato de Breiro e xa van aparecendo máis muíños.
Camiño pola beira do regato - Conxunto de muiños
Vaise ascendendo por un camiño, ás veces algo estreito, e case pegado ó regato. Case ó final atópanse un conxunto de varios muíños, tódolos eles en mal estado.
Intersección - Estrada do Cemiterio de Vista Alegre
Seguindo o camiño ,case o remate, hai dúas opcións: ascender unha forte pendente, ó longo dun corta-lumes (ademais a parte final non está en bo estado), ou seguir ata chegar á estrada que leva ó cemiterio municipal de Vista Alegre, durante 600 metros aproximadamente.
Intersección - Camiño de volta
Continuando ó longo da estrada, chegamos a un punto que hai un cruce á dereita que se vai a unha pista forestal, aquí cruzamos a estrada e de fronte, atopamos un camiño. Aquí iniciase o camiño de volta. É un camiño de carro en bo estado. Pasa ó pe dun fermoso souto.
Intersección - Lugar de Vista alegre
Logo de camiñar por un bo camiño de carro, chégase a un camiño pequeno con fincas e viñas, hai que virar á dereita, de fronte iríase ó lugar de Vista Alegre.
Intersección - Lugar de O Rexidor
Chégase, despois de baixar un camiño moi pendente e pedregoso, ó lugar de O Rexidor, o mesmo sitio polo que pasamos na ida.
Intersección - Lugar de A Boliña
Ó chegar ó cruce de O Rexidor, debemos virar á esquerda. Vai ó longo dunha congostra, ata non hai moito tempo co chan de pedras e agora asfaltada. Atópanse varios muíños ó longo do recorrido.
Intersección - Estrada Boiro – Abanqueiro
Pasado o lavadoiro de A Boliña, en dirección ó lugar de San , cruzase á carretera, á man dereita vense os restos dun muiño e outro en mellor estado.
Intersección - Lugar de San
Deixase a antiga estrada de Boiro a Abanqueiro, e cruzase a aldea en dirección á nova estrada.
Intersección - Estrada nova Boiro- Abanqueiro
Sáese do lugar de San, crúzase a estrada e cóllese pola senda de madeira, que vai a carón do Breiro.
Monumento - Muiño ó pé da senda fluvial
Este é o último muíño que se pode atopar nas ribeiras do Breiro. Aquí podemos modificar a ruta e continuar a senda fluvial ata o seu remate.
Avenida Constitución - FIN DA RUTA
Estamos a 100 metros desde onde se comezou o recorrido. Agora é o momento de buscarse unha terraza, e tomar un refresco, e ir pensando na seguinte saída.
Comments (1)
You can add a comment or review this trail
I have followed this trail verified View more
Information
Easy to follow
Scenery
Moderate
Nos gustó mucho
Fácil de seguir