Boiro - Sealo - A Madalena - Boiro
near Boiro, Galicia (España)
Viewed 1465 times, downloaded 7 times
Trail photos
Itinerary description
Un tramo da ruta conta con algo de pendente, pero paga a pena, porque ofrece unhas magnificas vistas da ría.
Waypoints
Punto de saída
Nesta ruta o punto de saída, é desde a confluencia da Rúa Manuel María coa Avda. Constitución.
Intersección - Rotonda ó final da Avda. Constitución
Neste cruce, séguese de fronte, en dirección a Ponte Goiáns
Intersección - Estrada Boiro - Noia
Cruzamos o paso de peóns e viramos á esquerda para cruzar a ponte do río Coroño.
Intersección - Estrada A Changuiña - Runs
Continuamos o recorrido ó longo da estrada Boiro - Escarabote, ata o cruce do lugar de A Changuiña
Intersección - A Changuiña - Camiño de pés
Ó chegar ó pe dunha magnifica e antiga sobreira, viramos á esquerda, e cando se remata o asfalto á dereita hai un camiño de pés.
Intersección - Camiño de pés en A Changuiña - Sealo
Este camiño é para servicio das fincas, hai que ser respectuosos e camiñar de un en un e procurar non saírse do camiño, ó chegar a un cruceiro vírase á dereita e xa a estrada leva ó lugar de Sealo.
Lugar de Sealo
Chegamos a este lugar, cruzando por baixo da autoestrada. E unha fermosa aldea que quedou illada polo progreso. Aquí iniciase unha pendente duns 400 metros, a medida que imos subindo as vistas fannos esquecer a dificultade do camiño.
Intersección - Estrada Boiro - Lampón - Montaña - Mosquete (I)
Ó chegar ó punto máis alto da costa, temos a opción de recortar o camiño. Virando á esquerda atópase a estrada Boiro - Lampón - Montaña - Mosquete, e de aí, pódese ir cara Lampón (esquerda), O Covo (e o cemiterio de Lampón), ou ir cara o campo de fútbol. Por calquera destes sitios pódese volver a Boiro. A ruta segue pola dereita por unha pista forestal, en moi bo estado.
Intersección - Estrada Boiro - Montaña -Mosquete (II)
Neste lugar, cruzamos a estrada (outra opción para volver), pero seguimos de fronte por un camiño e empezamos un suave descenso
Intersección - Estrada Boiro - Montaña - Mosquete (III)
Acábase o camiño, e chegamos á estrada, a ruta segue dobrando á dereita.
Intersección - Rego do Crego
Neste punto deixamos a estrada e imos por un camiño de pes. Enseguida atopamos un muiño e unha preciosa fervenza do Rego do Crego. É un camiño de pés, que esixe ir moi atentos, pero non ofrece perigo. A alternativa para aqueles persoas con dificultades é continuar pola estrada, e volver a coller a ruta máis abaixo.
Intersección Lugar de A Madalena - Ponte de Peralto
Ó remate do camiño, chegamos ó lugar de A Madalena, subimos unha pequena costa, e logo de pasar a Igrexa Parroquial de Lampón, viramos a dereita en dirección á ponte de Peralto.
Ponte do Peralto - Boiro
Aquí podemos tomar varias alternativas para rematar a ruta.
Fin de ruta
Chegamos ó punto de partida, e xa tarda sentarse nunha terraza a tomar un refresco, e ir pensando nunha nova saída.
You can add a comment or review this trail
Comments