Muíños do rego Rosa
near O Ézaro, Galicia (España)
Viewed 403 times, downloaded 9 times
Trail photos
Itinerary description
A parroquia de Santa Uxía de Ézaro é a única do concello de Dumbría que ten litoral marítimo e amais posúe un espazo natural de incuestionable valor natural como é o Monte Pindo e a excepcional fervenza do río Xallas caendo directamente ao mar na enseada de Ézaro.
Moi preto de aquí, a uns 600 metros, na praia de Ézaro, o regato Rosa entrega as súas augas ao mar. Polas marxes deste rego transcorre o noso paseo.
Este regacho de tan colorido nome baixa veloz polas costentas abas que caen desde os altos de Campo Longo e o Petón de Boimorto, movendo coas súas diáfanas augas os rodicios dun bo número de muíños fariñeiros. A súa carreira é moi corta, apenas dous quilómetros, pero suficiente para regalarnos unha marcada bacía na que medra unha fraga mixta con piñeiros e carballos e o acostumado bosque de ribeira con presenza de salgueiros, amieiros e abelairas.
A andada é moi doada de facer comezando no barrio de A Laxe para ir polos camiños que van por ámbalas dúas orelas do rego ata o muíño máis alto do curso. Aquí ao carón deste enxeño hidráulico poderemos ver uns ocos feitos nuns muros de pedra e que servían para aloxar colmeas. Ao longo do camiño non faltaran puntos desde os que contemplar a baía de Ézaro e o macizo montañoso do Monte Pindo, co Penafiel en primeiro plano.
Moi preto de aquí, a uns 600 metros, na praia de Ézaro, o regato Rosa entrega as súas augas ao mar. Polas marxes deste rego transcorre o noso paseo.
Este regacho de tan colorido nome baixa veloz polas costentas abas que caen desde os altos de Campo Longo e o Petón de Boimorto, movendo coas súas diáfanas augas os rodicios dun bo número de muíños fariñeiros. A súa carreira é moi corta, apenas dous quilómetros, pero suficiente para regalarnos unha marcada bacía na que medra unha fraga mixta con piñeiros e carballos e o acostumado bosque de ribeira con presenza de salgueiros, amieiros e abelairas.
A andada é moi doada de facer comezando no barrio de A Laxe para ir polos camiños que van por ámbalas dúas orelas do rego ata o muíño máis alto do curso. Aquí ao carón deste enxeño hidráulico poderemos ver uns ocos feitos nuns muros de pedra e que servían para aloxar colmeas. Ao longo do camiño non faltaran puntos desde os que contemplar a baía de Ézaro e o macizo montañoso do Monte Pindo, co Penafiel en primeiro plano.
Waypoints
You can add a comment or review this trail
Comments