Paseo a illa Insuíña (Pontesampaio)

O río Verdugo ten o seu nacedoiro na Serra de O Cando, na aldea de Cernadelo (Forcarei) e após de 41 Km tributa as súas augas a Ría de Vigo. Aquí, na súa desembocadura entre Arcade e Pontesampaio faremos o noso paseo.
Saíndo do peirao de Arcade veremos:

-Fermosas vistas da bocana do Verdugo coas illas Alvedosas, illote do Castelo, illa Insuíña e algunha pequena praia.

-Panorámicas da Ría de Vigo e do Monte da Peneda, antigo castro.

-A ponte de orixe románica de Pontesampaio, que cos seus 144 m de longo e dez ollos une as parroquias de Arcade (Soutomaior) e Pontesampaio (Pontesampaio). Testemuña de batallas entre franceses e españois na Guerra da Independencia e onde os lugareños empregaron, a falta de mellor cousa, canóns de pau.

-Treito do Camiño de Santiago Portugués.

-Igrexa románica de Santa María de Pontesampaio.

e finalmente:
-A illa de Insuíña ou tamén chamada de Medal, por ser tido propiedade do pintor Antonio Medal e din que punto de encontro con Castelao, Asorey, Laxeiro, Valle Inclán, Ramón Cabanillas e Manuel Quiroga (e iso que a illa é pequena). Accedemos a ela por unha pontiña a que segue unha pasarela levadiza de madeira e atoparemos un pombal, un hórreo e un cenador-mirador cunha mesa cuberta por un mantel de cerámica, estando cercado o illote por un balaústre ameado.

Pódese facer o paseo sen GPS, xa que só hai que seguir o paseo que sae do peirao de Arcade, pasar a ponte de Pontesampaio, continuar por un treito do Camiño Portugués e conectar co outro paseo litoral que leva ata a illa Insuíña.

Vista a illa de Medal ou Insuíña, volvemos ao porto de Arcade.